Нашите доблести може да ги направат среќни другите

 Нашите доблести може да ги направат среќни другите

    Дали некогаш сте размислувале 

- Какво влијание имате врз другите луѓе? 

- Како се чувствуваат луѓето во мое присуство? 

- Дали можам на некој да му помогнам? 

- Дали може на некој да му го разубавам денот?

    Тоа што го носиме во нас, го гледаме во другите луѓе. Ако негуваме позитивни мисли во нас, секој што ќе го сретнеме имаме можност позитивно да му влијаеме. Многу често можеме да слушнеме дека смеата е заразна. Кога гледаш некој дека се смее, без да знаеш зошто се смее тој човек и ти почнуваш да се смееш. Кога некој е тажен, без да ти каже дека е тажен, ти ја чувствуваш неговата тага. Така без да бидеме свесни ние си влијаеме едни на други. Кога ќе бидеме повеќе свесни за нашите чувства и однесување, свесно ќе почниме да се менуваме себе си. Свесно ќе ги препознаваме нашите мисли и однесување, а со тоа свесно ќе почниме да го правиме светот едно поубаво место за живеење.

    Секој од нас има свои доблести и маани. И многу е убаво кога гледаме дека нашите доблести му помогнале на некој. Секој на различен начин ја изразува својата доблест. Некој има доблест да им помага на сиромашните, друг има доблест да им помага животните, трет има доблест да им помага на болните. Најубаво е чувството кога ќе ги освестиш своите доблести. Ќе работиш на нив за да станат уште подобри, така што ќе ти станат твоја основна работа, во која што ќе уживаш. 

    Всушност така се настанати и сите професии што постојат во човештвото. Докторот е некој што уште додека бил млад сакал да им помага на луѓето додека се болни. Пожарникарот не некој што им помага на луѓето кога се во опасност. Сопственикот на фабрика за коли е некој што сака да им помогне на луѓето брзо и безбедно да стигнат до нивната дестинација. Затоа улогата на секој човек е важна. Разликата е во тоа што некој луѓе со нивните доблести позитивно влијаат на повеќе или помалку луѓе.