Со парите се купува се, но не и среќата

 Со парите се купува се, но не и среќата

Многу често луѓето среќата ја поврзуваат со предмети, со цели. Кога ќе завршам школо, ќе бидам среќен. Кога ќе се вработам, ќе бидам среќен. Кога ќе положам за кола, ќе бидам среќен. Не свесни дека среќата не е во предметите, во парите, во целите. Среќата е во патувањето до посакуваната цел.

Среќата е во малите секојдневни работи, чекори, ритуали. Среќата ја носиме во себе. Ако не успееш да ја најдеш и да ја всадиш во себе, да биде дел од тебе, твое секојдневие, знај дека нема да ја најдеш ни надовр од себе.

Парите се важен дел од нашиот живот. Тие се енергија што ни помагаат да имаме добар и удобен живот. Кога имаш пари не се грижиш за тоа дали ќе имаш што да јадеш денес, дали ќе можеш да си платиш добро школување. Да парите се за да ни служаат нас, не ние да им служиме нив. Затоа е важно да имаме отворена и здрава врска, однос со нас, без да се врзуваме емоционално.

Кога ќе ја најдеш среќата во себе, без разлика каде се наоѓаш, со кој си, и што имаш, сите тие работи сами ќе ти дојдат и тоа е добра енергија.

Можеш да сретнеш чуѓе со многу пари, но да не се среќни, тоа е така кога ја бараме среќата надвор од нас. Само треба да ги набљудуваш, и кога ќе сретнеш луѓе со многу пари и кои се многу среќни, застани ги и прашај ги во што е тајната. Повеќе од сигурна сум дека ќе ти ја споделат тајната на среќата и успехот.

Често слушаме и дека парите го расипуваат човекот, но парите само го вадат од човекот тоа што од секогаш бил. Кога немал пари сигурно имал помало влијание, на помал број луѓе, опкружување. За разлика кога човек ќе дојде до некоја поголема сума на пари, чувствува моќ за да се покаже себе си целосно во своето светло.