Моралниот пад не турка кон дното

Моралниот пад не турка кон дното

    Пад на моралните вредности, губење на авторитети, општествена криза. Морално да опаѓаме како што се жалиме, до сега ќе бевме морално во минус. Се разбира, секогаш кога зборуваме за пад на моралот, мислиме на моралот на другите. Уште Сократ се жалел дека младите од неговото време немаат почит кон постарите.

    Адам Мастројани, психолог од Универзитетот Колумбија, направил истражување на оваа проблематика. Од повеќе децениска анкета и други податоци, открил дека најмалку во последните 70 години, луѓето ширум светот постојано тврдат дека постои општ пад на моралот. Не наоѓајќи поткрепие за таквото тврдење, тој и неговиот соработник од Харвард, заклучиле дека перцепцијата за моралниот пад е илузија.

    Зошто луѓето околу себе гледаат морално распаѓање? Авторите шпекулираат дека тоа можеби има врска со пристрасноста на меморијата, негативните спомени бледеат побрзо од позитивните.

    Моралот значи, систем од норми за однесувањето на членовите на едно општество.

    Секоја индивидуа поседува скриени потенцијали за доблесно однесување. Важно е само тие да се препознаат и да се развијат.

    Главна одлика на современото општество се промените, како и се што постои на оваа планета. Се тече, се се менува - Пантареј. Промените се случуваат со молскавична брзина и ги зафаќаат сите области на општественото живеење. Промените ги збогатуваат можностите на човекот, го збогатуваат човековото спознание, а со тоа и неговата моќ. Но, честопати, овие промени, покрај напредок, со себе повлекуваат и кризи. Кризите ги зафаќаат сите аспекти на човековиот живот.

    Една од таквите кризи, која со себе повлекува најтешки и најголеми последици е моралната криза.

    Преку моралното воспитание поединецот ги развива своите морални особини и ги прифаќа моралните вредности и правила на општеството. Но, ако го анализираш  секое општество, секоја заедница засебно, ќе забележиш дека кај сите нив моралното однесување има различни правила на однесување. Пример, кај нас не е морално добро ако еден маж има повеќе жени, но ако одиш во некои општества во Индија, ќе бидеш сведок дека морално добро за еден маж е да има колку може повеќе жени и деца.

    Пред да казниш или поштедиш, мораш во човекот да го видиш човекот. - Гете.

    Секое општество создава определен систем на морални норми и непишани правила на однесување.

    Литература за моралот и моралното однесување можете да најдете во Книжарница БОНИГА Неготино