Прв чин
Дејството се случува во некое запустено, зафрлено место, поточно во еден мотел каде мајката и ќерка ѝ Марта издаваат соби на случајните, ретки минувачи. Луѓето што доаѓаат во нивната крчма се жртви на рамнодушност на Марта кон животот – таа ги убива тешејќи се дека мирно и спокојно ги праќа во „другиот свет“, без болка, успивајќи ги, баш како што таа (и мајка ѝ) би сакале да си умрат. По 20 години минати на печалба, Јан, нивниот брат и син, се враќа во својот роден крај носејќи пари со кои планирал да ги усреќи своите најблиски. Отпрвин, на негово големо чудење, тие не го препознале. Спротивно на советите на неговата сопруга, Марија, тој се решава да не го открива својот идентитет, за да одблиску ги запознае карактерите и желбите на неговите мајка и сестра. Во овој чин се откриваат и изопачените нарави на двете сопственички на пансионот, кои ги ограбувале и убивале побогатите гости, со цел остварување на соништата на Марта за живот крај морето. Во меѓусебен договор, Мајката и Марта одлучуваат истата судбина да го снајде и Јан.
Втор чин
Вториот чин се одвива во хотелската соба, каде низ дијалогот помеѓу Марта и Јан, на виделина излегува бездушната и ладнокрвна природа на Марта наспроти топлите и наивни карактерни црти на Јан. Погубувањето течело според планираното. Старецот (слугата) му го носи отровниот чај. Јан го испива чајот од кој паѓа во бессознание, а подоцна Марта и Мајката го фрлаат неговото безживотно тело во реката.
Трет чин
Средувајќи, Старецот го наоѓа пасошот на туѓинецот и ѝ го подава на Марта. Таа тогаш за првпат го чита името и иако дознава што се случило – не реагира никако, сосема мирно и студено само ѝ го дава на Мајката за и таа да ја дознае вистината. Откако дознаваат кој навистина бил новодејдениот гостин, мајката паѓа во голем очај и се самоубива давејќи се во реката. Од друга страна, пак, Марта не покажува никакви емоции при дознавањето на целата вистина. Откако Марија, сопругата на Јан, загрижена од предолгото отсуство на нејзиниот сопруг ќе се распраша што станало со него, ќе остане вџашена и скршена од новонастанатата ситуација. Гледајќи дека не може да најде утеха во нечовечноста на Марта, таа го повикува Господ да и помогне. Господ се јавува во ликот на стариот домар, и решително и одговара: НЕ, нема да и помогне.
Сите лектирни изданија за средно образование можете да ги најдете во Книжарница БОНИГА Неготино
Comments
Post a Comment